Google Against Fake News

---

---

ફેક ન્યૂઝ માટે ગુગલ થયું એલર્ટ

સોશિયલ મીડિયામાં ન્યૂઝની સાથે-સાથે ફેક ન્યૂઝ એટલા જ વાયરલ થઈ રહ્યાં છે. આ એક મોટી ઘટના છે અને આને કારણે ગમે ત્યારે મોટી સમસ્યા સર્જાઈ શકે છે. આ બાબતને ધ્યાનમાં રાખીને Googleએ પોતાના ન્યૂઝ ગાઈડલાઈન્સમાં સુધારા કર્યા છે, જેથી પોતાના મૂળ દેશને છૂપાવનારી અથવા કોઈ અન્ય દેશની વ્યક્તિને ખોટા પ્લેટફોર્મ અંતર્ગત નિર્દેશિત કરનારી ઈન્ટરનેટ વેબસાઈટ્સ પર લગામ લગાવી શકાય.

IANSના જણાવ્યા અનુસાર, કંપનીની દિશા-નિર્દેશો અનુસાર, ‘Google ન્યૂઝમાં શામેલ વેબસાઈટ્સ યૂઝર્સને ભ્રમિત કરવા માટે પોતાના સ્વામિત્વ અથવા પ્રાથમિક ઉદ્દેશ્ય વિશે જાણકારીને ખોટી રીતે રજૂ ન કરવી જોઈએ અથવા તેને સંબંધિત ગતિવિધિમાં શામેલ ન કરવી જોઈએ.’

Google વહીવટદારોને સ્પેમ રિપોર્ટ નોંધાવવાની મંજૂરી આપી રહ્યું છે. જો તેમને લાગે કે, કોઈ અન્ય પબ્લિશરે Google ન્યૂઝના નવા દિશા-નિર્દેશોનું ઉલ્લંઘન કર્યું છે તો તેઓ સ્પેમ રિપોર્ટ નોંધાવી શકે છે.

Googleએ કહ્યું કે, ‘અમે કદાચ દરેક રિપોર્ટના જવાબમાં મેન્યુઅલ એક્શન ન લઈ શકીએ પણ સ્પેમ રિપોર્ટને યૂઝર્સના પ્રભાવને આધારે પ્રાથમિકતા આપવામાં આવશે અને કેટલાક કેસમાં ન્યૂઝ રિઝલ્ટ્સમાંથી સ્પેમ સાઈટને સંપર્ણ રીતે હટાવી દેવામાં આવશે.’

આ ઉપરાંત વધુમાં વધુ એન્ડ્રોયડ ડિવાઈસિઝમાં વર્ચ્યુઅલ પર્સનલ આસિસ્ટન્ટ ઉપલબ્ધ કરાવવા માટે કંપનીએ Google આસિસ્ટન્ટની જૂની એન્ડ્રોયડ 5.0 લૉલીપૉપ ઑપરેટિંગ સિસ્ટમ સિસ્ટમ (OS) પર ઉપલબ્ધ કરાવવાની ઘોષણા કરી છે.

Read Source